1995年，你做緊乜嘢？
我追逐緊夢想。
小學畢業，我立志成為一個代表到一個年代嘅喜劇演員，梁醒波係我最欣賞嘅喜劇演員，所以我深入研究過佢所有作品… 然後我經歷過拍乜導演都嫌我矮嘅黑暗時期…
就算無乜戲做，我心諗做幕後都好吖！假如要做個好演員，梗係要識埋拍嘢啦！
就係咁，前半生讀過嘅所有嘢，都係同拍攝有關。
記得我中學時期，拍過80幾條自編自導自演嘅獨立短片，古裝、科幻、特務、動作，樣樣都有！
果時我地用V8、Hi8機拍攝，每餅帶要$80蚊，而我嘅零用錢係每個月$500。
今日執舊嘢見到呢本嘢，突然覺得其實我都幾幸福，成世人大部份時間都做緊自己鍾意做嘅事！入行27年仲有得撈，雖然已經幾乎撈到盡頭去埋「仆你個街」電視台做主持，但係起碼仲撈緊吖！
係呀！我仲撈緊架！未死架！有嘢撈記得搵我呀！
Search